Os amentes e as amantes do rock teñen unha cita ineludible o próximo 9 de agosto en Arbo. E é que o festival Arbo Rock xa ten o seu cartel completo, encabezado pola lexendaria banda galega Heredeiros da Crus. Xunto a eles, actuará o Gato López, quen realiza un tirbuto a SKA-P, Bronko, Significantbizkit Bizkit e Zur2DJs.
Así, a música dos Heredeiros da Crus soará en Arbo para presentar o seu disco Trankimasín a través de «bailes incontrolables, gargalladas e unha noite inesquecible», segundo indican desde a organización. Ademais, farán gozar ao público coas cancións que acompañaron a varias xeracións de galegos e de galegas.
O Arbo Rock 2025 contará tamén coa presenza de Gato López, «o mellor tributo a SKA-P». De feito, o repertorio conta con todos os temas míticos de SKA-P así como aqueles «que hai anos que non interpretan en directo».
Pola súa banda, significantbizkit Bizkit actuará tamén na edición do 2025 de Arbo Rock, en tribuno á Limp Bizkit, con André Maniño na voz e o baixo e Jorge Martins na guitarra e Daniel Cardoso na batería. O trío recrea os grandes clásicos como Break Stuff ou My Way.
Pero aínda hai máis porque o cartel de 2025 do Arbo Rock inlcúe a actuación da banda de rock que naceu durante o an 2019 en Mallorca, Bronco. A banda ten a alma posta «na distorsión, as letras sinceiras e a enerxía do directo». Ademais, o seu son influénciase do rock dos anos 70 con toques indie «e unha actitude que mestura o cláisco co que lles sae da alma».
Entradas e cartel completo de Arbo Rock 2025
As persoas que desexen asistir a esta cita co rock en Arbo poderán mercar as entrada a partir dos 15 eurosen diferentes establecementos da contarna así como na páxina web. Ademais, haberá zona de acampada sen custo e un espazo habilitado para os e as amantes deste xénero músical que decidan acudir ao evento en furgoneta.
