Mercar no comercio local de Mos ten premio ata o 30 de xuño

O Concello de Mos únese á campaña «Mercá no teu comercio«, unha iniciativa de dinamización comercial posta en marcha pola Federación Galega de Comercio e a Xunta de Galicia que busca incentivar as compras nos establecementos locais mediante o sorteo de 1.000 euros en vales de 50€.

A campaña estará vixente do 16 ao 30 de xuño, e nela poderán participar todas aquelas persoas que realicen compras nos comercios adheridos do municipio. Unha vez rematada a campaña, celebrarase un acto público para facer entrega dos vales ás persoas premiadas.

“Sumámonos a esta campaña porque o comercio local é motor de vida, de emprego e de
identidade para o noso concello”, sinala a alcaldesa de Mos, Nidia Arévalo.