martes, abril 23, 2024
InicioComarcasLouriñaPorriño destina 476.000 euros ao deporte local

Porriño destina 476.000 euros ao deporte local

Faino mediante sinatura de convenio neste 2021 entre o Concello e as diferentes entidades deportivas

Un dos primeiros clubes en formalizar a recepción da subvención foi a Unión Deportiva Atios. Así, o seu presidente, José Cebreiro, e a alcaldesa Eva García asinaron, en presenza do concelleiro de Deportes David Alonso, a correspondente achega consistente, neste caso en concreto, en 45.000 euros.
A UD Atios, que ten un equipo en Terceira División e doce equipos máis en categorías inferiores, agrupa máis de 200 licenzas. Cebreiro expresou o agradecemento do club «ao Concello de Porriño, á alcaldesa e ao concelleiro Alonso pola súa implicación cos deportes neste municipio» e expresou «o desexo de seguir progresando e de que esta tempada a UD Atios acade manterse na Terceira División Nacional e levando adiante o nome de Porriño por Galicia «.

En nome do goberno municipal, David Alonso sinalou que «para nós é unha satisfacción seguir colaborando cos clubs». O concelleiro de Deportes considerou que o destino desta subvención municipal «en momentos como o que atravesamos é, entre outros, para gastos de protocolos anti-Covid para a seguridade dos deportistas».



Nos vindeiros días seguirán asinándose os respectivos convenios cos demais clubs das distintas modalidades que subvenciona o Concello do Porriño.

ARTIGOS RELACIONADOS

+ POPULAR

COMENTARIOS RECENTES