jueves, abril 18, 2024
InicioPenínsula e mundoGloboOs estudantes británicos volverán ás aulas coa recomendación de non usar máscara

Os estudantes británicos volverán ás aulas coa recomendación de non usar máscara

Boris Johnson anulou as ordes do Secretario de Estado para a Educación, Gavin Williamson, que se amosaba partidario dunha reapertura temperá.

O goberno atópase agora na elaboración dun plan para escalonar o regreso do alumnado ás aulas, coa probabilidade de dar prioridade a uns grupos de idade sobre outros, e coa recomendación de que os estudantes non empreguen máscaras polo seu impacto negativo na aprendizaxe.

Segundo informa o diario The Guardian, Boris Johnson anunciou onte que agardaba que «tódalas escolas volveran o 8 de marzo», mais os expertos do goberno din que un enfoque de «big bang», con tódolos alumnos regresando a un tempo, semella puco probable na actualidade.

Agárdase que os nenos e nenas máis novos da escola primaria, que precisan dunha atención demasiado intensiva para efectuar o seu aprendizaxe no fogar, ocupen un lugar destacado na lista de prioridades. Johnson anunciou que a decisión definitiva non se tomará ata a semana do 22 de febreiro, cando se agarda que o goberno publique os seus plans para a reducción gradual do confinamento.

O diario Guardian informa de que a disputa interna do goberno sobre este tema comezou o mércores da semana pasada, e que Williamson manifestou a intención de anunciar antes do 8 de febreiro que a volta ás aulas se produciría tralo 22 de febreiro. A comunidade científica advertiu de que esas datas poderían ser demasiado optimistas.

Dise tamén que a Oficina do Gabinete está a poucos días de aprobar o uso obligatorio de máscaras faciais nos lugares de traballo, o que podería conducir a que os estudantes de secundaria teñan que levalas nas aulas. Agora mesmo, o uso de máscara no Reino Unido non é obligatorio e as escolas e universidades son as responsables de facer ou non obligatorias as máscaras no interior dos seus espazos. A recomendación do goberno é que o uso de máscara durante as aulas debe evitarse debido ao potencial impacto na aprendizaxe.

O sindicato nacional da educación (NEU) solicita que os estudantes de secundaria empreguen máscaras trala volta ás aulas, e que as escolas empreguen rotacións e aprendizaxe a distancia para reducir o número de estudantes por centro.

A NEU fixo estas propostas como parte dun plan de recuperación educativa destinado a favorecer un regreso seguro ás aulas.

Mary Bousted, secretaria xeral adxunta do sindicato, fixo as seguintes declaracións: «O goberno debe iniciar conversacións estruturadas cos sindicatos da educación, baseandose en tódalas evidencias dispoñibles sobre cal é o mellor xeito de manexar unha desescalada, independentemente de se se produce o 8 de marzo ou non. Os directores das escolas poderán entón comezar a facer arranxos, coa confianza de que non están a perder o tempo e de que existe a posibilidade real de acadar solucións a longo prazo».

 

ARTIGOS RELACIONADOS

+ POPULAR

COMENTARIOS RECENTES