Os traballadores do sector naval sairon á rúa en Vigo este venres pola mañá a pedir máis seguridade tras a morte dun compañeiro de 42 anos nun accidente laboral nun estaleiro da cidade.

Ás portas dos estaleiros concentráronse desde primeira hora da mañá os traballadores do naval na cidade olívica para camiñar manifestándose ata a delegación da Xunta en Vigo para trasladar as súas demandas.

Os sindicatos convocaron esta parada e a mobilización para esixir maiores medidas de seguridade despois de que este xoves falecera o traballador dunha empresa auxiliar nun accidente laboral cando participaba nas tarefas de descarga dun camión no estaleiro Cardama. Caeulle enriba unha prancha de aceiro de grandes dimensións e faleceu no acto.

Os representantes dos traballadores reclaman que se retomen as mesas do sector naval, entre elas a de Prevención de Riscos, que segundo denuncian leva máis de 12 anos sen convocarse.

Igualmente, piden un maior control da Inspección de Traballo, especialmente nas empresas auxiliares, para garantir o traballo seguro.

¿E ti, es de Tweet?