O GDR Terra e Auga vén de anunciar que xa está aberta a convocatoria de axudas da intervención Leader para o período 2026-2028, para a presentación de solicitudes ata o 6 de abril.
Co obxectivo de trasladar maior información aos sectores socioeconómicos do territorio, o GDR ofertará unhas xornadas informativas en cada un dos concellos do territorio nas que se detallarán e se resolverán dúbidas respeto á convocatoria de axudas.
En que consiste?
O programa busca promover o desenvolvemento das zonas rurais a través dunha estratexia participativa na que os axentes locais desempeñan un papel clave.
Poderán ser beneficiarias destas axudas as persoas físicas que desenvolvan actividades económicas ou as emprendan, as empresas, comunidades de montes, entidades privadas sen ánimo de lucro e entidades públicas do territorio.
Cando serán as xornadas informativas?
As xornadas informativas terán lugar en cada un dos concellos que abrangue o territorio do GDR Terra e Auga e darán comezo este xoves.
Xoves 26 de febreiro
- 19:30 horas – Auditorio de Mondariz Balneario
- 20:15 horas – Biblioteca de Mondariz
Venres 27 de febreiro
- 19:00 horas – Salón de Plenos de As Neves
- 20:15 horas – Salón de Plenos de Ponteareas
Luns 2 de marzo
- 19:00 horas – Auditorio de Covelo
- 20:15 – Salón de Plenos da Cañiza
Martes 3 de marzo
- 19:00 horas – Salón de Plenos de Salvaterra de Miño
- 20:15 horas na Casa da Cultura ADR Castelao de Salceda de Caselas
Xoves 5 de marzo
- 18:00 horas – Auditorio de Crecente
- 19:30 horas – Auditorio de Arbo
Estas axudas, que se conceden seguindo o procedemento de concorrencia competitiva, están cofinanciadas co Fondo Europeo de Desenvolvemento Rural (Feader), dentro do Pepac 2023-27, e ascenden a un importe de 1,2 millóns de euros para o territorio do GDR Terra e Auga, unha das convocatorias con maior dotación dos últimos anos.
