——— O CONCELLO DE PONTEAREAS VÉN DE INFORMAR QUE QUEDA ADIADA A VISITA DA FOOD TRUCK POR MOR DO MAL TEMPO NO MUNICIPIO—————-
O sabor das Rías Baixas chega á comarca do Condado. En concreto, ao municipio de Ponteareas. Serán os días 5 e 6 de febreiro, na Praza Maior, cando a Food Truck da Deputación de Pontevedra ofreza degustacións gratuitas na vila do Tea.
O obxectivo da iniciativa é achegar a excelencia dos productos da provincia aos veciños e as veciñas a partir do mediodía. Desde as 13:30 horas ata as 15:30 horas e desde as 18:30 horas e ata as 21:30 horas.
Durante os dous días, 5 e 6 de febreiro, as persoas que se acheguen á Food Truck que se ubicará na Praza Maior de Ponteareas poderán degustar, de xeito gratuito, diferentes productos da despensa galega:
- Mexillóns
- Empanada artesanal
- Lacón
- Requeixo
A iniciativa trátase dunha aposta de Turismo Rías Baixas, da Deputación de Pontevedra, para dar a coñecer a excelencia dos seus produtos e a “riqueza gastronómica da provincia”.
Máis paradas
- 4 de febreiro: Mos e Sanxenxo
- 5, 6 e 7 de febreiro: Ponteareas, Meaño e Agolada
- 8, 11 e 12 de febreiro: Mondariz-Balneario, Meis e Lalín
- 13, 14 e 15 de febreiro: Mondariz, Poio e Vila de Cruces
- 18, 19 e 20 de febreiro: A Cañiza, Barro e Silleda
- 21, 22 e 25 de febreiro: Crecente, Pontevedra e Forcarei
- 6, 27 e 28 de febreiro: Arbo, Cerdedo-Cotobade e A Estrada
