O Concello de Ponteareas vén de publicar, a través da canle oficial da concellería de Cultura que dirixe Juan Carlos González Carrera, a programación do primeiro semestre de teatro no Auditorio Reveriano Soutullo da localidade.
Humor e morte
A programación comeza este mesmo domingo día 1 de febreiro a partir das 18:30 horas coa obra de teatro “De algo hai que morrer” da compañía Malasombra. Trátase dunha comedia na que se analizan distintas mortes e por que hai quen falece de xeito natural como, por exemplo, Amy Winehouse, ” ou quen o fai cun accidente de tráfico como Carrero Blanco”, segundo explican desde a compañía. Os actores son Xoque Carbajal e Jouse García. As entradas teñen un prezo de cinco euros.
Memoria histórica en Galicia e igualdade
A seguinte cita co teatro terá lugar o domingo día 1 de marzo coa peza As Alumnas. Comezará ás 18:30 horas e está a cargo da compañía Culturactiva. Dirixida a un público adulto, a obra trata sobre a figura da pedagoga galega María Barbeiro e sobre como o franquismo significou “un enorme retroceso na educación do Estado, especialmente para as mulleres”. Comeza ás 18:30 horas e as entradas teñen un prezo de cinco euros.
Humor, turismo e xentifricación
Go home che a vila do Corpus o domingo 11 de abril a partir das 19:00 horas coa compañía Etiqueta Negra. Unha comedia negra, protagonizada por David Amor e Josito Porto,, na que as principais temáticas son o turismo e a xentrificación. As entradas tamén teñen un prezo de cinco euros.
Fin da programación do 1º semestre con “Sobria e Serena”
A programación do primeiro semestre de teatro en Ponteareas pecharano as humoristas Sobria e Serena co seu “chou” o domingo 10 de maio ás 19:00 horas.
Cartel da programación de teatro en Ponteareas
