España acolle a terceira cumbre mundial sobre Intelixencia Artificial responsable no ámbito militar (REAIM 2026). O Ministerio de Asuntos Exteriores, o Ministerio de Defensa e o Concello de A Coruña lideran a organización deste evento (Responsible Artificial Intelligence in the Military Domain), que se celebrará na cidade herculina os días 4 e 5 de febreiro.
A ministra de Defensa, Margarita Robles, e a alcaldesa de A Coruña, Inés Rey, intervirán no acto inaugural. O cumio reunirá a representantes de gobernos, industria, mundo académico e sociedade civil en paneis e mesas redondas abertas á prensa, segundo indican desde a delegación do Goberno.
Cando se celebra?
O 5 de febreiro terá lugar o segmento de alto nivel de clausura, no que intervirá o ministro de Asuntos Exteriores, José Manuel Albares. Durante o REAIM 2026 tamén se darán a coñecer casos de uso práctico de IA de importantes compañías nunha área expositiva con ferramentas in situ.
A iniciativa REAIM é o principal proceso internacional para identificar principios para un uso da IA responsable no ámbito militar. España considera que “é o momento de dar pasos concretos, prácticos e realistas para traducir os principios acordados en cumes anteriores en medidas eficaces e tanxibles“.
