Oito anos despois da súa chegada a Vigo, Fran Beltrán despediuse a través das súas redes sociais do celtismo na tarde onte. O mediocentro de Seseña, capitán e peza habitual do equipo ao longo destas tempadas, dicía adeus a través dunha sentida e agarimosa mensaxe cara Vigo, o Celta e todo o seu ciclo coma xogador celeste. Tempo no que non so viviu valiosos momentos coma deportista, converténdose no terceiro xogador da historia do equipo con maís participacións en Primeira (240), se non tamén coma humano ao construir a súa familia e ver nacer e medrar ás súas dúas fillas na cidade olívica.
Celta e Girona, pola súa parte, oficializaron o seu traspaso. O madrileño, que aínda tiña contrato co equipo vigués ata o próximo verán, optou por unha saída anticipada nesta ventá de fichaxes de inverno. Beltrán asina ata 2030, catro temporadas e media co conxunto dirixido por Míchel, vello coñecido dos seus comezos coma futbolista no Rayo Vallecano. O Celta recibe a cambio desta operación unha cifra de 115.000€, ademais dunha porcentaxe nunha futura venda do xogador.
Esta saída deixa libre unha ficha profesional e un novo oco no centro do campo do equipo celeste, que actualmente centra os seus esforzos de mercado no regreso de Fer López. Un xogador de corte ofensivo pero ao que Claudio Giráldez tamén ve apto para ocupar postos na medular.
