O reloxo marcaba ás 18:30 horas, da tarde deste xoves, cando o 112 recibiu un aviso de que un mozo, de 19 anos, perdera o coñecemento no Complexo Deportivo Álvaro Pino mentres practicaba unha actividade deportiva no centro.
O rapaz, veciño de Mondariz, foi atentido inicialmente polo persoal do complexo deportivo cun DEA ubicado no propio edificio. Ata o lugar trasladáronse Urxencias Sanitarias de Galicia-061, con dúas ambulancias, unha delas medicalizada. No lugar dos feitos, o persoal sanitario logrou reanimalo. Posteriormente, foi trasladado ao Hospital Álvaro Cunqueiro, onde finalmente faleceu.
En relación, a nai do rapaz perdeu a vida o pasado ano no Hotel-Balneario de Mondariz tras sufrir un infarto.
