MeteoGalicia pon de manifesto que a costa de Pontevedra e o suroeste da provincia da Coruña permanecerán este martes en aviso amarelo por acumulación de choiva en 12 horas.
En concreto, o aviso estará activo dende as 12 horas deste martes ata as 3 horas da madrugada do mércores, 29 de outubro. Agárdase que nestas zonas se poidan acumular ata 40 litros de auga en 12 horas.
Ante a situación, MeteoGalicia recomenda informarse do estado das vías antes de iniciar calquera desprazamento, evitar zonas próximas aos cauces dos ríos e afastarse de zonas inundadas.
Mapa das zonas afectadas polo aviso amarelo:
