Un autobús escolar saiu da vía esta mañá na estrada EP-2703, ao seu paso pola parroquia de Padróns, en Ponteareas. Os pasaxeiros, sete alumnas e alumnos do IES Pedra da Auga, resultaron ilesos ao igual que a conductora do autocar.
O 112 Galicia recibiu o aviso ás 08:05 horas a través dun particular que alertaba de que o vehículo quedara envorcado na cuneta. Debido á súa posición, as portas quedaran inservibles e os ocupantes non podían abandonar o autobús polos accesos habituais.
Por este motivo, desde a sala de operacións solicitouse a intervención dos Bombeiros de Ponteareas, que procederon a evacuar, a través do teito, a seis rapaces de entre 13 e 15 anos e á condutora.
A pesar do aparatoso do sinistro, todos eles atopábanse en bo estado e non precisaron asistencia sanitaria. Ademais, informouse da situación á Garda Civil de Tráfico e á Policía Local de Ponteareas.
