Ecoloxistas en Acción presenta o seu primeiro informe sobre o estado da Rede Natura 2000 en Galicia. No informe avalían 4 zonas de Pontevedra de gran valor ambiental: O complexo intermareal A Ramallosa e o sistema fluvial Ulla-Deza como zonas de especial conservación xa incluidas en Rede Natura 2000 e os sistemas montañosos de a Serra da Groba e da Serra do Suído, como zonas de alto valor natural carentes de figuras de protección.
Nas conclusións do estudo, a organización ecoloxista denuncia o “grave deterioro ambiental que está sufrindo a Rede Natura polo desleixo da administración autonómica galega” e critican que “ambas zonas Natura 2000 avaliadas carecen dos necesarios plans de xestión específicos para controlar e regular o impacto da actividade humana”.
