O colectivo de afectados Plataforma N-120 de Ponteareas vén de convocar unha manifestación pacífica co obxectivo de facer público o “grave problema de seguridade” que sofren as veciñas e veciños das parroquias de Areas, Arnoso e Xinzo.
O obxectivo é mostrar, durante o paso dos ciclistas pola Nacional 120, a través de pancartas a problemática coa estrada baixo o lema “non máis mortes”.
Os puntos de encontro e horarios que establece a plataforma son os seguintes:
- Na rotonda do cruce a Mondariz ás 14:13 horas
- No cruce de Guláns ás 14:15 horas.
Dende o colectivo aconsellan chegar unha hora antes do paso previsto pola organización para “evitar non chegar a tempo”.
