Mondariz Balneario celebrará a vindeira fin de semana, os días 13 e 14 de setembro, a súa Festa da Temporada, unha celebración inspirada na década dos anos 20. A vila balnearia transformarase nunha auténtica viaxe ao pasado, co glamour e a elegancia da década dourada como grandes protagonistas.
O evento dará comezo nos Xardíns do Gran Hotel ás 12 horas do sábado 13 de setembro, coa lectura do pregón a cargo do periodista e presentador Xabier Fortes. O broche final á festividade terá lugar ás 20:30 horas do domingo, coa actuación musical do grupo «Agarimos da Terra».
Durante as dúas xornadas, a programación variada acollerá diferentes actividades: xogos da época como o lawn tennis e o croquet, oferta gastronómica variada, catas de queixo, viño, sidra e auga, obradoiros tradicionais e artesanais, teatro, música e concertos en directo e actividades deseñadas especialmente para a cativada.
O alcalde de Mondariz Balneario, César Gil, asegura que «esta é unha festa que naceu para quedarse e ir medrando ano a ano. Por iso, animamos a todas as persoas que nos visiten veñan caracterizadas da época, desta maneira, Mondariz Balneario volverá por uns días ao pasado».
Programación completa da festa:
