Membros do Exército de Terra e da Armada da Operación Centinela vixiarán os montes galegos, en coordinación cos organismos competentes de Galicia, para colaborar na prevención de incendios forestais, a través de actividades de presenza e disuasión.
O tenente de alcaldesa e concelleiro de Seguridade, Juan Carlos Glez. Carrera, e a concelleira de Medio Ambiente, Silvia Fdez Táboas, acompañados do segundo tenente de alcaldesa, Jesús Cao, e do técnico de Medio Ambiente municipal mantiveron unha reunión de traballo cos militares da Brigada Galicia VII / BRILAT.
As patrullas terrestres realizarán o seu labor de vixilancia e disuasión nas 24 parroquias tanto con percorridos terrestres como dende diferentes observatorios.
O concelleiro de Seguridade salientou a capacidade disuasoria desta medida mentres a concelleira de Urbanismo adiantaba que «tal e como marca a estratexia Infraestrutura Verde, o patrimonio natural é un dos piares sobre o que se sustentará o futuro do concello». Por este motivo, ambos concelleiros manifestan que «seguirán procurando os apoios necesarias para previr e evitar danos ao medio ambiente».
