A Garda Civil vén de deter a un home de 55 anos que enganaba ás mulleres dicíndolles que estaban posuídas por un espírito e que se podían curar se mantiñan relacións seuxais con el. Trátase dun «curandeiro» que actuaba na comarca da Paradanta.
Foron os axentes da comandancia de Tui quenes detiveron a este home, veciño da comarca da Paradanta, que realizaba prácticas de «santeiro» con conxuros e herbas. O seu xeito de proceder consistía en facer crer as clientas que estaban posuídas por un espírito e convencíaas para matner relacións sexuais con el como pate do suposto tratamento.
Foi posto a disposición do Xulgado de garda de Ponteareas e está sendo investigado como presunto autor dun delito contra a liberdade e a indemnidade sexual, que é o dereito a non sufrir danos físicos ou morais relacionados coa sexualidade.
O home quedou en liberdade con cargos.
![Pinterest](https://pinterest.com/pin/create/button/?url=https://www.siradio.gal/2025/08/25/a-garda-civil-deten-a-un-curandeiro-da-paradanta-por-incitar-a-clientes-a-manter-sexo-con-el-para-curalas/&media=https://www.siradio.gal/wp-content/uploads/2025/02/logotipo-74.jpg&description=Axentes detiveron a un home de 55 anos, que operaba como "curandeiro", por enganar a pacientes para manter sexo como falso tratamento){kind=link}