O Concello da Guarda xunto a Asociación O Piueiro, volven ofrecer este verán saídas gratuítas da navegación pola costa guardesa a bordo do volanteiro Piueiro.
Esta actividade, que se leva ofrecendo desde o 2020, ten unha gran acollida entre veciños e veciñas e visitantes, xa que ofrece unha experiencia única cunha saída de navegación na costa atlántica nunha embarcación de gran envergadura.
A Oficina de Turismo da Guarda situada na Praza do Reló, xestionará as reservas a partir do sábado anterior ás saídas da semana seguinte. As reservas poderanse realizar presencialmente, que terán prioridade, ou chamando ao 986 61 45 46 en horario da oficina, que está aberta de martes a sábado de 10 a 14h e de 16:30 a 18:30h.
Debido ao número reducido de prazas dispoñibles unha persoa poderá inscribir a un total de catro, excepto as unidades familiares. A idade mínima para participar é de 10 anos.
Recordase que é preciso estar 15 minutos antes da saída no peirao do porto, xunto ás escaleiras do muelle alto, e a saída terá unha duración aproximada de 45 minutos.
Recoméndase levar calzado que suxeite o nocello e roupa de abrigo. Ademais, lémbrase que as saídas poden ser canceladas por motivos meteorolóxicos: chuvia, vento ou néboa. Os horarios previstos das saídas son 12:00h, 17:00 e 18:00h e as datas previstas son o 31 de xullo e o 2, 5, 16, 20, 23 e 30 de agosto. O martes día 5 o horario variará, sendo as saídas ás 16:30h, 17:30h e 18:30h.
