A Orquestra Panorama, co seu espectáculo Epic Tour, chegará con 5 tráileres e despregará un escenario cun frontal de 67 metros con 250 m2 de pantallas no que actuarán 22 artistas no Parque da Palma en Baiona o vindeiro mércores 23 de xullo.
Esta, convértese nunha das citas máis agardadas tanto para veciños e veciñas, turistas, persoas da zona e a mesma orquestra, tal e como o comunicou o seu director e voz maculina, Lito Garrido.
Co fin de preservar todas as medidas de seguridade necesarias, o Concello de Baiona realizará un operativo de corte do tráfico durante o intervalo do horario do concerto, que será dende as 20:30 horas do 23 de xullo ata as 00:30 horas do día 24.
O corte total do tráfico rodado na PO-552 será operativo dende a rotonda do Porto Pesqueiro ata a rotonda do Villa Rosa, situada á altura da intersección coa EP-2202.
