O Campo da Feira de Covelo converterase no espazo no que reinará un dos manxares de Galicia. Trátase do churrasco. E é que o Concello celebrará o próximo 25 de xullo unha nova edición desta festas grastronómica que busca unir a natureza, o bo ambiente e música, entre outras cuestións.
Baixo o lema «o churrasco sabe mellor en Covelo«, o municipio prepárase para acoller a XLIV Festa do Churrasco, unha cita ineludible para os amantes da gastronomía galega e que se celebrará no Día de Galicia, o 25 de xullo. O Concello promete «brasas, risas e moita fame» nunha xornada pensada para toda a familia.
Deste xeito, por un prezo de oito euros, as persoas que se acheguen ata o municipio de Covelo desfrutarán dun menú que inclúe a costela de porco e de tenreira así como pementos de Padrón, criollo, pan e viño. Durante a merenda haberá chouripán. Ademais, a música non faltará coa actuación da Charanga Os Encerellados e os concertos de Los Lunes al Sol e Óscar Ibáñez & Tribo. Paralelamente, o evento inclúe unha Feira de productos locais e de artesanía.
Programa completo da Festa do Churrasco 2025 en Covelo
Xoves 24 de xullo
- 22:30 h: Peque Disco Moc Moc & Remember Temazos 90-2000
- Música | Malabares | Humor
- Praza Mestre Cerviño
Venres 25 de xullo
- 12:00 h: Mostra de produtos de Covelo e Feira de Artesanía
- Carballeira do Campo da Feira
- 13:00 h: Misa solemne na honra de Santiago Apóstolo e procesión
- Coa Banda de Música de Mondariz
- 13:15 h: Concerto: Banda de Música de Mondariz
- 14:00 h: Festa do Churrasco na hostalaría
- Gran Churrascada
- Campo da Feira
- Ameniza: Charanga Os Encerellados
- Churrasco, pementos, criollo, pan e viño – 8 €
- 14:30 h: Concerto: Los Lunes al Sol
- 17:30 h: Concerto: Óscar Ibáñez & Tribo
- 18:00 h: Cantina do Campo da Feira
- Chouripán para merenda/cena
- Acompañan: Charanga Os Encerellados
- Siguariz – Club Fotnouse Covelo
Sábado 26 de xullo
- 22:00 h: Gran Verbena
- Coa Orquestra La Nave
- Noite de festa
- Peche con DJ Mesu
- Praza Mestre Cerviño
