Un home faleceu este martes en Tui tras ser localizado ao carón da súa bicileta. Segundo indican desde o 112 Galicia, malia os esforzos dos equipos sanitrios non se puido facer nada para salvarlle a vida.
Pouco antes das 20:00 horas, un particular alertou ao 112 Galicia de que atopara un ciclista tirado na estrada no paseo de Calvo Sotelo, Tui. Desde un primeiro momento, indicou que a persoa non respondía aos seus intentos de contactar con ela.
Desde o Centro Integrado de Atención ás Emerxencias informouse a Urxencias Sanitarias de Galicia-061, aos axentes da Policía Local e aos voluntarios de Protección Civil de Tui.
As forzas da orde traballan para esclarecer o acontecido.
