A oficina móbil VIDOC, para a expedición e renovación do Documento Nacional de Identidade e do pasaporte volve a Baiona para dar servizo aos veciños e veciñas da vila os días 6 e 24 de xuño.
As citas xestionaranse exclusivamente por vía telefónica, o vindeiro 30 de maio, en horario de 8:00h a 14:00h a través do número de teléfono 986 358 011.
Dende o goberno local informan que «no caso de que queden ocos dispoñibles, asignaranse nos días posteriores» aínda que lembrar que «debido á alta demanda, as prazas esgotaranse con rapidez».
A unidade móbil da Policía Nacional situarase na rúa Dolores Agrelo número 7, á beira do pavillón de deportes municipal e o horario de atención será de 9:45h a 12:45h.
Desde o Concello de Baiona agradecen «a colaboración cidadá» e animan «aos veciños para aproveitar esta oportunidade para a obtención ou renovación dos seus documentos oficiais de maneira cómoda e próxima».
