O Concello de Ponteareas vén de deseñar unha actividade que dinamizará o sector da hostalería do municipio. Trátase da “Volta Vinista”, unha iniciativa na que os veciños e as veciñas así como as persoas que visiten a capital do Condado deberán realizar “o mandato do Meco” e cumprir outros requisitos para obter un dos premios.
A “Volta Vinista” forma parte do programa co que Ponteareas celebrará o Entroido neste 2025. Ademais desta particular “volta”, os veciños e as veciñas poderán desfrutar de diferentes actividades relacionadas con esta festividade desde o próximo venres 21 de febreiro ata o próximo 5 de marzo. Destacan obradoiros, concurso de orellas e desgustación ou os famosos desfiles de disfraces e comparsas.
Cando comeza a Volta Vinista?
A particular Volta Vinista de Ponteareas comezará o sábado 22 ás 23:00 horas. A partir dese momento, os veciños e as veciñas así como as persoas que visiten a localidade escanearán un código QR no que aparecerá a ruta dos bares que forman parte desta iniciativa do Concello.
Aquelas persoas que visiten estes establecementos e realicen unha consumición terán que realizar o mandato do Meco, que, en calquera caso, estará relacionado con disfraces. No caso de que se completen catro rondas ou mandatos e se tome unha foto no photocall situado na Feira Vella, se conseguirá un premio.
