Os dous informes encargados polo Ministerio de Tranportes ofrecen conclusións semellantes: o viaduto do Castro, na A-6 caeu por “unha concatenación de factores”.
O secretario xeral de Infraestruturas, Xavier Flores, explicou que a ponte caeu mentres se están realizando nela uns traballos de reparación urxentes, logo de que se detectara un imporante deterioración na infraestrutura. Neses traballos estábase a empregar unha técnica de hidrodemolición, que supoña un importante presión sobre a ponte, pero “por si soa non provoca o colapso”, apunta Flores, senón que as condicións nas que estaban os materiais, principalmente o formigón, en “peor estado do agardado”, fixo que o viaduto acabase caendo.
Así as cousas, os informes, elaborados polas empresas Ideam e Mg2, conclúen que a caída foi “por unha combinación de factores, que por si sós non provocarían o colapso”.
Segundo explican desde o ministerio, estas conclusións que xa lle foron trasladadas á Xunta de Galicia e a Junta de Castela e León, son preliminares, pero “sorprendería que houbese algún cambio no resultado”.
