Os casos activos seguen aumentando en todas as áreas sanitarias galegas pero de maneira preocupante na área de Vigo e na de Ourense, que xa superan os 600 casos. Nos hospitais tamén se superan xa os 70 ingresos por COVID-19.
Os casos activos de coronavirus en Galicia xa son 2.696.
Foron detectados 262 novos casos por probas diagnósticas na última xornada.
Por áreas sanitarias está á cabeza a de Ourense, pero ben preto da área de Vigo:
Ourense: 693 (+51)
Vigo: 665 (+77)
A Coruña: 453 (+19)
Lugo: 279 (+22)
Santiago: 242 (+9)
Pontevedra: 225 (+6)
Ferrol: 139 (+5)
Nos hospitais de Galicia xa se superan os 70 ingresos por coronavirus. En total, hai 14 persoas en UCI (=) e 62 en planta (+3).
O Sergas non notificou decesos por mor da covid, polo que se mantén a cifra nos 2.662 falecementos desde o inicio da pandemia.