Galicia comeza novembro como rematou outubro, por riba dos 500 casos activos de COVID-19 e subindo paseniñamente. Hai arestora 530 persoas contaxiadas de coronavirus, 6 máis que o día anterior.
Pola súa parte, descenden os novos casos detectados por probas diagnósticas (-5). En total, hai 27 contaxios novos.
Por áreas sanitarias, continúa á cabeza, a da Coruña:
A Coruña: 137 (-7)
Vigo: 80 (+1)
Ourense: 115 (+4)
Santiago: 50 (-3)
Lugo: 46 (+8)
Pontevedra: 60 (+1)
Ferrol: 42 (+2)
En canto aos ingresos en Galicia por coronavirus, mantense en 30 persoas hospitalizadas. Hai unha persoa máis en UCI, 6 en total, e unha menos en planta, 24 en total.
O Sergas non notificou decesos por mor da covid, mantendo a cifra en 2.652 falecementos desde o inicio da pandemia.
