Despois de dous meses por riba dos 5.000 casos activos, Galicia logra situarse nos 4.793 casos positivos. Baixan todas as áreas sanitarias e nos hospitais tamén descenden os ingresos: 171 en planta e 43 en UCI.
O descenso da quinta vaga deixa 384 casos activos menos que o día anterior. En total, 4.793 persoas sofren coronavirus en Galicia.
Con todo, as PCR positivas aumentan nas distintas áreas sanitarias galegas (+26). Foron detectados 175 novos casos por PCR.
Por áreas, é a da Coruña a que está á cabeza:
Vigo: 702 (-66)
A Coruña: 1.225 (-76)
Pontevedra: 301 (-15)
Santiago: 873 (-65)
Ourense: 512 (-31)
Lugo: 950 (-100)
Ferrol: 230 (-61)
A presión asistencial segue baixando (-9). Diminúe o número de persoas hospitalizadas en coidados intensivos (-6) e en planta (-3). Así, hai 43 persoas en UCI (-6) e 117 (-3) en planta.
No que respecta aos decesos, o Sergas notificou o falecemento de tres persoas por mor da covid−19, que ergue a cifra a 2.595 decesos desde o inicio da pandemia.