jueves, marzo 28, 2024
InicioNewsO PaísDetido o presunto autor dun asasinato nunha casa ocupada na Coruña

Detido o presunto autor dun asasinato nunha casa ocupada na Coruña

O presunto asasinato ocorreu no segundo andar do edificio situado no número 58 da rúa Biscaia, no barrio dos Mallos.

Trátase dunha vivenda ocupada ilegalmente, onde os veciños e a maioría de propietarios de establecementos próximos, que rexeitan falar ante as cámaras por medo a represalias, aseguran que hai consumo e movemento de droga.

É un lugar onde a presenza policial é frecuente, polo que non sorprendeu aos veciños da zona.

As primeiras investigacións apuntan precisamente a unha liorta entre o detido e a vítima, ambos consumidores, por unha débeda de 100 euros como causa do presunto asasinato.

O falecido é un varón de 42 anos de nacionalidade belga e residente desde hai anos na Coruña.

O detido, que permanece no cuartel de Lonzas á espera de pasar a disposición xudicial, é un home de 41 anos de orixe magrebí.

Ambos son coñecidos no barrio e contan con numerosos antecedentes e detencións por furtos en establecementos de alimentación e na rúa e por venda de droga.

A Policia Xudicial investiga as circunstancias nas que se produciu o suceso.

ARTIGOS RELACIONADOS

+ POPULAR

COMENTARIOS RECENTES