En Lugo cidade detectouse esta semana un gromo que xa afecta a unha quincena de mozos e mozas que roldan os 20 anos. Están en marcha cribados e rastrexos para cortar as cadeas de transmisión canto antes.
A hipótese das autoridades sanitarias é que os contaxios están relacionados coas xuntanzas de estudantes que se produciron durante a Semana Santa.
O xerente da Área Sanitaria de Lugo, A Mariña e Monforte de Lemos, Ramón Ares, confirmou este gromo entre persoas «moi novas» e asegurou que se manteñen «en alerta». Malia consideraren que son poucos contaxios, fixo un chamamento a «non baixar a garda» e a manter as medidas de prevención.
Preocupa que se estenda a máis persoas aínda ao ser o colectivo de esta idade o que máis relacións sociais ten, ademais de poder propagalo nos seus fogares a persoas maiores.
