A Federación de hostalería da Coruña decidiu pechar o luns 28 de marzo en apoio ás reivindicacións dos transportistas e para reclamar medidas que lles axuden a paliar as perdas que están a sufrir pola escalada de prezos tanto da enerxía como das materias primas.
Se non se desconvoca a folga do transporte antes do luns poderían sumarse a este peche tamén outras cidades galegas.
A proposta de peche partiu dos representantes dos hostaleiros da Coruña e xa lle foi trasladada ás asociacións e federacións do sector do resto de cidades galegas que decidirán nos vindeiros días se secundan ou non este peche patronal.
Os hostaleiros piden unha solución global enerxética para todos os sectores afectados.
