Actualmente fixado nas 22.00 horas, Feijóo anunciará en rolda de prensa cara as 14.00 horas este mércores se Galicia retrasa o seu toque de recollida ás 23.00 horas, o máis tarde que permite o estado de alarma en España. Igualmente, anunciará se hai ampliación tamén na hostalería.
As vacinas reduciron a positividade nas residencias de maiores de Galicia en case o 50 % logo da primeira dose e dun 88 % naqueles que puxeron as dúas.
Galegas e galegos de calquer idade poderán solicitar coa un test de saliva para confirmar ou destacar se son positivos de COVID-19. É un acordo ao que chega a Xunta cos colexios farmacéuticos; está aceptado en Pontevedra, en implantación na Coruña e en negociación para Lugo e Ourense.
Por quinto día consecutivo soben os casos activos en Galicia. Sitúanse arestora en 2.382 os positivos (+66) logo de que na última xornada se notificaran 165 novos positivos. Non son subas alarmantes pero si para estar prevenidos. Nos hospitais hai 185 ingresados COVID.
A Xunta valora como requisitos para ampliar o horario da hostalería en Galicia: reserva de mesa, rexistro de clientes e medidores de CO2. Actualmente a hostalería pecha ás 21.00 horas polo que resulta inviable ir cear fóra. É unha medida pensada para a ampliación do toque de recollida tamén.
O comité clínico que asesora á Xunta nesta pandemia reúnese este martes pola tarde pero os datos actuais non reflicten aínda os efectos da Semana Santa, así que por agora o Goberno galego prefire ser cauto e agardar para decidir aumentar o reducir as restricións actuais.
