O voceiro popular Ángel Rodal pide que se poña de novo en funcionamento o servizo.
O Partido Popular de Baiona denuncia o “abandono total” do talaso natural Monte Boi; un talaso ao aire libre, con grandes propiedades terapéuticas, inaugurado en outubro de 2018 para funcionar seis meses ao ano, pero que leva pechado desde 2020. “Están a deixar morrer unha instalación pioneira, un atractivo servizo para os veciños de Baiona, por unha cuestión política”, critica o portavoz local e deputado provincial, Ángel Rodal, que visitou o talaso acompañado polos deputados Jorge Cubela e Alfonso Marnotes.
Os populares esixen ao goberno local que asuma o seu mantemento e poña a funcionar as instalacións. “É un exemplo de como rendibilizar os nosos recursos e o poder terapéutico das algas, os oligoelementos e o mar, pero este goberno prefire tirar con todo o investido en Monte Boi en lugar de potencialo e dalo a coñecer porque supoñería recoñecer o seu éxito”, acusa Rodal.Levarán a proposta ao próximo pleno municipal.
Escoita a entrevista completa con Ángel Rodal, aquí:
