La Vuelta máis sostible da historia. O Concello de Mos, protagonista da etapa 20, e Ecovidrio colaboran colocando 12 contedores de reciclaxe no municipio para promover a reciclaxe e concienciar aos seus veciños sobre o coidado do medio ambiente.
O mosense Anxo Martínez presentará no seu concello, Mos, a súa curtametraxe Aqueles días de agosto , que se proxectará previamente ao film María Solinha , este venres, ás 22.00 horsa.
Que o Camiño de Santiago sexa accesible para todos e todas é unha das pretensións da proposta "Monitores por un Camiño accesible" que chegará a Mos os días 31 de agosto, 1 e 2 de setembro.
Biblioteca Municipal María Magdalena. Así se chamará o edificio que albergará tamén o Xulgado de Paz de Mos, e que o Concello de Mos ten previsto reformar proximamente.
Deste xeito a casa das letras mosense levará o nome da principal representante das letras de Mos, María Magdalena, gran poeta da Louriña que falecía o pasado 18 de agosto aos 99 anos de idade.
En gratitude e recoñecemento polos seus impagables labor e valía cultural e persoal, dotarase ademáis á Biblioteca Municipal da obra completa de María Magdalena (xa que agora dispónse só de parte dos títulos publicados), para que os lectores poidan gozar íntegramente dela nas novas instalacións, unha vez sexan reformadas.
A súa obra literaria completa está composta por obras en galego-poesía: Alborada do Val da Louriña 1986 (primeira edición), Colleita de soños tristes 1990, Alborada do Val da Louriña 1992 (segunda edición), Retrancas 1993, Sementeira de soños 1994, Amores na lúa 1998, Tempos de chorar 2001, A quen lle dou unha estrela? 2005, Alma de can 2009. Literatura infantil-xuvenil: O baúl das lembranzas, poemas para nenos, 2005. E obras en castelán-poesía: Un nuevo amanecer 1991, Como el manantial 1993, Mariposas de invierno 1994, En él doblaron lanas campanas 1998, Sueños de cristal 2001, Golondrinas en el cielo 2005.
A fin de tratar a proposta de bautizar a Biblioteca co seu nome celebrouse esta mañá unha Xunta Local de Voceiros, na que se expuxo a proposta municipal contando co consenso e aprobación unánime de todos os grupos integrantes da Corporación Municipal.
María Magdalena Domínguez Domínguez, gran poeta da Louriña, Medalla ao Mérito do Concello de Mos, falecía onte tras unha longa traxectoria persoal e literaria que se prolongou durante case un século. Toda unha vida de entrega, traballo e creación artística.
Esgotadas todas as entradas para o concerto de Xoel López con motivo de La Vuelta. En menos de catro horas,vendéronse todas. Actuará o 31 de agosto e o prezo por persoa era de 15 euros.
Xoel López dará un concerto con motivo da etapa 20 de La Vuelta 21 Sanxenxo-Mos, que finalizará no Castro de Herville. O espectáculo, que terá lugar no Campo de Fútbol das Baloutas o martes 31, ás 20.30 horas, ten un aforo reducido por protocolo COVID, que non alcanza as 500 butacas. Ademais o evento contará con todas as medidas de prevención anti COVID-19 en vigor.
Concertos de La Vuelta 21
Ademais de Xoel López, o propio 4 de setembro, día da meta da etapa 20 de La Vuelta 21 en Mos, celebrarase outro concerto de altura no municipio. Será o que ofrecerá o emblemático grupo Milladoiro
O Xacobeo 2021-2022 ofrece deste xeito 3 grandes concertos en Mos este verán, por un lado o de SÉS celebrado o 7 de agosto con motivo do Patrón local, San Mamede, e durante os próximos días o de Xoel López do 31 de agosto e Milladoiro, o 4 de setembro. Trátanse os 3 de grandes espectáculos subvencionados pola Xunta de Galicia.
É por elo que desde a administración municipal mosense agradécese neste senso enormemente o aopio da Xunta e do Xacobeo, que permite e fai posible esta gran programación musical en Mos. Sen o respaldo autonómico, estes tres grandes concertos non serían posibles, por iso é máxima a gratitude do Concello cara á Xunta de Galicia; pola colaboración para que Mos teña o Xacobeo e La Vuelta que merece.
Encontro "Mos sobre rodas", o sábado 28 de agosto a partir das 17.30 horas no Castro de Herville.
O Concello de Mos, en colaboración con La Vuelta 21, a Asociación Cultural e Social de Herville, e a Asociación Veciñal e Cultural Celado de Cela, organizan unha nova iniciativa enmarcada dentro do programa municipal de actividades con motivo da etapa 20 Sanxenxo-Mos (Castro de Herville) que terá lugar o vindeiro 4 de setembro.
Nesta ocasión trátase dun evento dirixido a todos os amantes do deporte sobre rodas, que poderán participar, tanto individualmente como en familia. O evento está pensado para públicos de todas as idades, que participen cos seus vehículos sobre rodas sen motor, tales como patíns, patinetes, bicicletas, triciclos… todas as alternativas son posibles para unha tarde de lecer, deporte, música e cultura ao aire libre.
Os interesados en participar xa teñen o prazo de incrición aberto ata o vindeiro martes 24 de agosto. As inscricións e compra de tíckets pódese formalizar desde xa en 4 puntos: Centro Cultural de Herville, recepción do Pazo de Mos, cafetería do Centro Dotacional de Torroso, e cafetería do Centro Cultural Nosa Terra de Pereiras. O prezo dos tíckets é de 5 euros para persoas de 13 anos en diante e gratuíto ata os 12 anos de idade. É imprescindible a adquisición dos tíckets antes da data da actividade, sexa cal sexa a idade do/a participante.
A actividade consistirá nun circuito pechado para todo tipo de vehículos sen motor, marcha MBT para maiores de 12 anos, actuacións de Argonat Band, Grupo Infantil de Gaitas Nosa Terra de Pereiras, Banda de Gaitas de Herville, Grupo de Gaitas e Baile Celado; merenda popular a base de empanada, auga e refrescos; e un sorteo de agasallos de La Vuelta.
