O director xeral de Persoas con Discapacidade, Fernando González Abeijón, visitou esta mañá o centro residencial e ocupacional da orde das Esclavas de la Virgen Dolorosa
Durante a visita a este centro en Mos, dirixido a mulleres con discapacidade intelectual, González Abeijón, a quen acompañou a alcaldesa Nidia Arévalo, destacou a importancia de contar con centros especializados que atendan as necesidades das persoas que máis precisan de apoios na súa vida diaria. Ademais, puxo en valor a colaboración do Goberno galego con entidades como Esclavas de la Virgen Dolorosa para garantir o benestar destas persoas e as súas familias.
