viernes, marzo 29, 2024
InicioComarcasLouriñaA festa do fútbol sala base chega a Porriño

A festa do fútbol sala base chega a Porriño

O polideportivo municipal do Porriño acolle os días 10, 11 e 12 de xuño a fase previa do Campionato de España de Clubs Base de Fútbol Sala na categoría benxamín.

O Porriño converterase esta fin de semana en sede dun importante evento deportivo.
O polideportivo municipal acolle dende mañá venres a fase previa do Campionato de España de Clubs Base de Fútbol Sala na categoría benxamín.
O evento foi presentado esta mañá polo alcalde, Alejandro Lorenzo, o concelleiro de Deportes, Abel Estévez, o Presidente do I.E.S Coruxo F.S., Pachi Comesaña, o coordinador de Base do Coruxo e Borja Arca, representante da Federación Galega de Fútbol.
Concentra aos catro equipos da zona norte, galego, castelán, cántabro e asturiano que se xogan unha praza para estar na fase final do Campionato.
“É un pracer para nós acoller esta competición que concentra aos catro equipos da zona norte que se xogan a praza para estar na fase final”, afirmou o alcalde, “Somos o Concello do Deporte e temos claro que para poder selo é necesario apostar sempre pola base e poñer en valor aos pequenos en pequenas que comezan a desfrutar da práctica deportiva”.
Serán catro os clubs que participen C La Folia FS, Real Oviedo SAD, CD Intersala FS e o anfitrión, o IES Coruxo FS. “O noso representante, o IES Coruxo, elixiu este marabilloso pavillón do Porriño para desfrutar do fútbol sala durante esta fin de semana e para que desfrutemos con eles”, apuntou Borja Arca.
Por último, o coordinador de base do Coruxo, Javier Hernández, asegurou que están “moi ilusionados e intentaremos dar o mellor de nós para poder levarnos o mellor dos premios, que sería pasar á final”.

ARTIGOS RELACIONADOS

+ POPULAR

COMENTARIOS RECENTES