Gran campaña de recollida de alimentos do 19 ao 25 de novembro impulsada pola ONG Banco da Alimetos, este ano apadriñada polo actor vigués Pedro Alonso, coñecido por papeis como o de Berlín en «La casa de papel» ou «Padre Casares».
A Fundación Provincial Banco de Alimentos recuperou unha das súas tradicións e este martes presentou ao novo padriño da Gran Recollida 2021, o actor vigués Pedro Alonso.
Na última edición, fora a xornalista María Rey a madriña. En edicións anteriores xa apadriñou «Gonzo», María Castro ou David Amor, entre outros.
O acto de presentación tivo lugar na nave que o Banco de Alimentos ten na parroquia viguesa de Lavadores.
A Gran Recollida terá lugar do 19 ao 25 de novembro e a xente que queira colaborar pode facer a súa contribución, ao igual que o ano pasado, a través da páxina web, Bizum ou nas caixas dos supermercados.
Os voluntarios, identificados con chalecos, estarán nos supermercados os días 19 e 20 de novembro. Nesta ocasión non se darán alimentos e a achega farase en caixa. Desde o Banco de Alimentos lembran que todo o recadado economicamente será traducido en alimentos.
A ONG lembra que os alimentos máis demandados son o leite, cacao, galletas, conservas, cereais e durante este ano estase a incorporar a conserva de carne.